Door tak chhaaye thay baadal aor kahin saaya na tha, Qateel Shifai, Sad Urdu Poetry, Urdu Best Poetr

Door tak chhaaye thay baadal aor kahin saaya na tha Is tarah barsaat ka mosam kabhi aaya na tha Kaya mila aakhir tujhe,saayon k peechhe bhaag kar Ae dil-e nadaa'n,tujhe kaya ham ne samjhaaya na tha Uff ye sanaatta k aahat tak na ho jis main mukhal Zindagi main is qadar ham ne sakoo'n paaya na tha Khoob roye chhup k ghar ki chaar-diwaari main ham Haal-e dil kehne k qaabil koi hamsaaya na tha Ho gaye qalaash jab se aas ki dolat lutti Paas apne,aor to koi bhi sarmaaya na tha Wo payyambr ho k aashiq,qatal-gaah e shouq main Taaj kaanton ka kise dunya ne pehnaaya na tha Ab khula,jhonkon k peechhe chal rahi thi aandhiyan Ab jo manzar ha wo pehle to nazar aaya na tha Sirf khushbu ki kmi thi ghor k qaabil QATEEL Warna gulshan main koi bhi phool murjhaaya na tha.