Abhi woh dard baqi hai
Abhi woh dard baqi hai
Agarchay waqt marham hai
Magar kuch waqt lagta hai
Kisi ko bhool janay main
Dobara dil basaanay main
Abhi kuch waqt lagna hai
Abhi woh dard baqi hai
Main kaisay nayee ulfat main
Apni zaat ko gum kar doon
Kay meray jism-o-wajdaan main
Abhi woh fard baqi hai
Abhi us shakhs ki mujh per
Nigah-e-Sard baqi hai
Abhi to Ishq kay rastoon ki
Mujh per gard baqi hai
Abhi Woh Dard Baqi Hai.