Na Jane Dhoondty Ho Kya Meri Weeran Aankhon Mai
Na Jane Dhoondty Ho Kya Meri Weeran Aankhon Mai
Chupa Rakhe Hum Ne To Kai Toofaan Aankhon Mai
Kahan Wo Shokhiyan Pehlay Si Ab Kuch Bhi Nahi Baqi
Chaly Aaye Ho Tum Kya Khojnay In Be-jaan Aankhon Mai
Kisi Ka Haath Lekar Haath Mai Jab Tum Mile Hum Se
To Kaise Toot Ke Bikhra Tha Mera Maan Aankhon Main
Na Samjho Chup Hain To Tum Se Koi Shikwa Nahi Baqi
Hum Apne Dard Ki Nahi Rakhte Koi Pehchaan Aankhon Mai
Mily The Baad Mudat Ke Humain Tum Ajnabi Ban Kar
To Kaise Dard Na Uthta Meri Hairaan Aankhon Mai
Nahi Ab Phir Se Koi Raabta Rakhne Se Kuch Haasil
Ke Ab Dafna Diye Hum Ne Sabhi Armaan Aankhon Mai.